Shoqata “Mirëseerdhe”,organizoi ngjarje përfundimtare për projektin “Instalimi i mozaikut si një traditë kulturore dhe jetesë bashkëkohore”.
Në ngjarjen e cila u zhvillua në Muzeun Shkencoro Natyror në Shkup,mori pjesë zyvendesministri i kulturës Sedat Sulejmani,kryetari i Qytetit të Shkupit Petre Shilegov,ambasadori zviceran në Maqedoninë e Veriut,Sibil Suter Sejda dhe Emilija Miladinova Avramçeva,kryetare e shoqatës “Mirëseerdhe”.
Projekti “Instalimi i mozaikut si një traditë kulturore dhe jetesë bashkëkohore”,i mbështetur nga ambasada zvicerane,organizoi mozaik punëtori në Vinicë,Kavadar,Shkup,në një sipërfaqe totale prej 96 metrash katrorë.Në projekt morën pjesë studentë,fëmijë,kalimtarë të rastit.Mozaikët janë bërë nga pllaka të thërmuara të recikluara,ndërsa qëllimi i projektit është të inkurajohen parimet e kulturës së gjelbërt dhe kultura të shkojë në drejtim të mbrojtjes së mjedisit jetësor.