Në programin e manifestimit ,,Tingujt e Çarshisë së vjetër” sot nga ora 16 do të mbahet manifestimi ,,Rrugët e çarshisë” koncertin do ta mbajnë Sarana Imeri në flejt dhe Verica Shotarovska në piano.
Në ora 17 para xhamisë së Murat Pashës është parashikuar performim i Adil Alush dhe orkestra ,,Jeni Jol” , Në ora 19 në sheshin Skënderbeu do të interpretohet shfaqja teatrale ,,Nuk paguaj”, kurse nga ora 20 në sheshin Fillipi i dytë do të mbahet koncert me titull ,,Tingujt e vjeshtës, ngjyra e tingullit”.
Në ora 22 në Kalanë e Shkupit do të shfaqen dy filma të shkurtër: ,,Toka” në regji të Iber Deari dhe ,,Ballkone” të Lindita Zeqiraj.
Manifestimi ,,Tingujt e Çarshisë” e cila është në organizim të Qendrës Kulturore Informative Shkup është pjesë e programit vjetor për mbështetjen e projekteve të interesit nacional të Ministrisë së Kulturës.