Në mënyrë intenzive punohet në konservimin e afreskave në manastirin “Shën Mëria Mëshiruesja Eleusa” në vendbanimin e Strumicës,në Velusa e cila daton nga shek i 11-të.
Aty,konservatorët punojnë çdo ditë për të restauruar afreskat të cilat janë me më shumë shtresa dhe që paraqesin një kryevepër të vërtetë të historisë shpirtërore të këtyre krahinave.
Konservimi i afreskave është pjesë e projektit për mbrojtje të plotë të kishës,ndërsa përfshin edhe konservim të fasadës së jashtme,ndërhyrje në çatinë e kishës dhe konservim të mozaikut.Mjetet me vlerë prej 100.000 dollarë janë të fituara nga Fondi i Ambasadorëve të Shteteve të Bashkuara të Amerikës.Projekti realizohet përmes Entit për Mbrojtje të Trashëgimisë Kulturore dhe Muzeut të Strumicës.