Në pllajën para Qendrës Kulturore për të rinj sot do të mbahet ngjarja tradicionale e poezisë “Festa e blirit” e organizuar nga Shoqata e Shkrimtarëve të Maqedonisë, sipas protokolleve për organizimin e një ngjarje kulturore në një pandemi.
Në solemnitet do ti dorëzohet çmimi “Skeptri letrar 2020” poetit maqedonas Mihaill Renxhov, ndërsa për opusin e tij letrat do të flasë Vlladimir Martinovski.
Do të lexohet edhe letra nga fituesi i huaj i skeptrit, poeti sllovak Miroslav Bielik, i cili për shkak të pandemisë nuk ishte në gjendje të mbërrinte në vendin tonë.
Me vargjet e tyre nga përmbledhjet e fundit do të prezantohen poetët Hristo Petreski, Pajo Aviroviç dhe Suzana V Spasovska, dhe pastaj do të interpretojnë poetët që morën pjesë në konkursin për këngën më të mirë në ngjarjen e këtij viti. Të pranishmit do të kenë mundësinë të marrin një kopje të përmbledhjes me poezi të dy laureatëve të përgatitur posaçërisht për këtë rast.
Ngjarja është realizuar me mbështetjen e Ministrisë së Kulturës dhe nën organizimin e Qytetit të Shkupit.