Nesër, më 30 prill, e martë, me fillim nga ora 13:00, në parkun “Ibni Pajko” të Shkupit do të mbahet edicioni i tetë i Hepeningut tërëditor të xhazit “Today it’s all about jazz”, me të cilin Orkestra Kombëtare e Xhazit i bashkohet festës globale në Ditën Ndërkombëtare të Jazz-it.
Këtë vit në skenë do të performojnë Fani Posa Quartet (Serbi, Kroaci dhe Gjermani), Lana Janjanin Quartet (Kroaci), Carlos Sarduy Groove Messengers (Kubë), Sashko Nikolovski Septet, Goce Stevkovski – Bogdanci Reunion Quartet dhe Gian Emin dhe Orkestra Magjike (Maqedonia e Veriut).
Shfaqjeve do t’i paraprijë punëtoria “Xhaz për fëmijë”, ku më të rinjtë do të kenë mundësinë të mësojnë për instrumentet muzikore të përdorura në orkestër, si dhe do të marrin pjesë në një kompozim të përbashkët.