“Kurimi i publikut, kurimi i përbashkët” titullohet simpoziumi vjetor i Shoqatës së Kritikëve të Artit – AIKA Maqedoni, i cili do të mbahet sot në Muzeun e Artit Bashkëkohor në Shkup.
Siç është paralajmëruar, sesioni punues i programit përfshin prezantime dhe diskutime me temën “Kurimi i publikut, kurimi i të përbashkëtës”, konceptuar dhe moderuar nga Vladimir Jançevski. Pjesëmarrës në simpozium janë Ivana Meshtrov dhe Silva Kalcic (Kroaci), Maja Qiriq (Serbi), Jane Calovski, Biljana Tanurovska-Kulavkovski dhe Klelija Zhivkoviq (Maqedonia e Veriut).
Simpoziumi organizohet në partneritet me AICA Kroaci dhe Hapësirën Kulturore dhe Sociale “Centar-Jadro” dhe me mbështetje financiare dhe teknike nga AICA International, Ministria e Kulturës dhe Muzeu i Artit Bashkëkohor-Shkup.