Në pjesën muzikore të edicionit të 62-të të festivalit „Vera e Ohrit”, sonte (13 korrik) në ora 21:00 në kishën „Sveta Sofia” në Ohër, do të mbajë koncert nga dyshja e pianos “AnAntonio”, Slloveni. Dyshja përbëhet nga Ana Josimovska Kanjaco dhe Antonio Kanjaco, muzikantë me prejardhje maqedonase dhe italiane që jetojnë dhe punojnë në Lubjanë të Sllovenisë.
Si solistë dhe muzikantë kamertal, ata kanë fituar shumë çmime nga garat ndërkombëtare, dhe të dy japin mësim në Shkollën e Muzikës Ualdorf në Lubjanë. Repertori i tyre përfshin vepra për piano solo, duet piano dhe dy piano nga Johan Sebastian Bah deri te veprat e Shçedrin dhe Kurtag.
Në programin dramatik të festivalit, sonte në ora 21:00 në Qendrën e Kulturës „Grigor Prliçev” do të shfaqet premiera e shfaqjes teatrale “Seks, gënjeshtra dhe xhelozi” të autorit Marco Camoletti. Shfaqja është nën regjinë e Kolë Angelovskit, me produksion të Qendrës së Kulturës „Grigor Prliçev” – Ohër dhe Teatrit Kombëtar të Ohrit. Në shfaqje interpretojnë: Strezo Stamatovski, Nikolla Todoroski, Adriana Bilaloviq-Todoroska, Elizabeta Stefanovska, Biljana Bilaloviq-Veljanoska, Marija Novak.