“Jam dakord me qëndrimin e Këshillit Drejtues të Filarmonisë, se të gjitha të vërtetat rreth funksionimit të këtij institucioni do të dalin në shesh, por nuk jam dakord që është manipulim, nuk është revanshizëm dhe presion politik nga ana ime sepse anëtarët e orkestrës së xhazit janë kolegë të tyre”, tha ministrja e Kulturës Bisera Kostadinovska-Stojçevska në lajmet e RTM1 për zhvillimet e fundit në Filarmoninë dhe shkarkimin e drejtorit për punë të pandërgjegjshme.
-Përmes programit të TAV-it për institucionin e sapokrijuar të Orkestrës kombëtare të xhazit, i cili përveç adresës së përhershme nga Qeveria në Operën dhe Baletin Nacional, siguruam 10.000 euro me të cilat objekti i ndarë do të rinovohet siç duhet. Ministria e Kulturës siguroi përgatitjen e Projektit bazë për rinovimin dhe rregullimin e hapësirës dhe për rehabilitimin e instalimeve të sallave në godinën e Institucionit nacional të Operës dhe Baletit, shpjegoi ministrja.
Në pyetjen nëse ka qenë kalkulim me Këshillin e drejtorëve dhe drejtorin e Filarmonisë, ajo ka theksuar se kalkulimi është fjalë e gabuar, sepse me vendimin e Qeverisë për themelimin e institucionit të ri nacional është dashur të përdoret adresa nga një institucion shtetëror dhe më pas të përcaktojë hapësirë reale për këta muzikantë.
“Këtë e kam shpjeguar disa herë personalisht, por nuk jam kuptuar, por këtë e kanë kuptuar si sulm ndaj autonomisë së tyre, me atë vendim kemi dhënë afat prej 6 muajsh që të vendoset, kemi gjetur edhe hapësirë, mjete, siguruam projekt dhe tashmë po punohet për modernizimin e asaj hapësire. Unë si ministre e Kulturës nuk do të lejoj kurrë që të dëmtohet asnjë institucion shtetëror dhe person udhëheqës, por nëse personi udhëheqës që përdor fonde të paplanifikuara dhe shkatërron një institucion nacional me bindje personale dhe jo për të mirën e të gjithëve, do të reagoj gjithmonë sepse janë ndërtuar me paratë e qytetarëve” – tha Kostadinovska-Stojçevska.
E pyetur se si do ta komentonte mesazhin në skenë të aktores Labina Mitevska “Politikanët duhet të na luten, kohët po ndryshojnë”, ministrja tha se ky mesazh thekson nevojën për dialog dhe bashkëpunim më të fortë mes politikanëve, institucioneve dhe komunitetit artistik.
– Fillimisht, nga zemra i uroj çmimet e sivjetme “Kamera e Artë 300” dhe “Ylli i madh i filmit maqedonas”. Ata meritojnë respektin tonë. Vërtet, komenti i zonjës Mitevska pasqyron ndjenjën dhe nevojën se artistët kanë nevojë për më shumë mbështetje dhe jam dakord me të. Ajo thekson nevojën për dialog dhe bashkëpunim më të fortë mes politikanëve, institucioneve dhe komunitetit artistik. Përpjekja jonë është të inkurajojmë mjedis edukativ ku arti mund të zhvillohet dhe të kontribuojë në diskursin social, duke pasuruar ofertën kulturore në vend, shtoi ministrja.
Sipas ministrit, është manipulim i madh që punonjësve të filmit u janë shkurtuar paratë, në asnjë moment nuk është shkurtuar buxheti i Agjencisë së Filmit– informacioni se janë shkurtuar fondet nuk janë të sakta, dikush i ka informuar gabim punonjësit e filmit.
– Agjencia e Filmit ka realizuar mjete nga llogaria e saj prej vetëm 30%, ndonëse tashmë është gjysma e dytë e shtatorit dhe theksoi se Agjencia ka mjete të mjaftueshme për të paguar të gjitha projektet filmike që plotësojnë kushtet. Rebalanci i buxhetit në asnjë mënyrë nuk ndikon në buxhetin e Agjencisë së Filmit, theksoi ajo.
Përgjegjësia e drejtorit është që të bëjë plane për realizimin dhe shlyerjen e detyrimeve ndaj projekteve që do të nënshkruhen menjëherë, theksoi ministrja e Kulturës, por se ata punojnë me parimin “i parë që vjen, shërbehet i pari” dhe prandaj për momentin buxhetohet vetëm një film maqedonas kurse kanë konkurruar 17.