Со 100.000 долари грант од САД ќе се врши конзервација и презентација на мозаиците и архитектурата на археолошкиот локалитет Хераклеја Линкестис.
Според проектната документација, со конзерваторските зафати ќе бидат опфатени мозаичните површини и архитектурата во делот на Малата и Големата базилика, Епископската резиденција, кружната кула, градската фонтана и други содржини.
Конзерваторските интервенции кои во голем обем и интегрално, за првпат се превземаат благодарение на овој грант, не само што ќе овозможат зачувување на овие исклучително вредни културни добра по кои Хераклеја е препознатлива, туку ќе дадат и ново светло и значење на самиот локалитет, информираа од Националната установа Завод и Музеј-Битола.
Проектната апликација е поддржана од американската амбасада во земјава, а реализацијата е во тек.