Во Музејот на современата уметност – Скопје денеска ќе биде отворена групната изложба „Panic Room или скок во мислењето“. Во рамките на изложбата ќе бидат поставени дела на уметниците: Искра Димитрова, Нехат Беќири, Верица Ковачевска, Нада Прља, Велимир Жерновски, Матеј Богдановски, Христина Иваноска, Јане Чаловски, Ѓорѓе Јовановиќ, Филип Јовановски, Никола Узуновски и групата ОПА. Кураторка на изложбата е Љиљана Неделковска.
Изложбата, која е поддржана од Министерството за култура како дел од Годишната програма за 2020 година, ќе биде отворена до 1 ноември.