Во Концертната сала при Центарот за култура – Дебар денеска (28 октомври 2021 г.), во 14 часот, ќе се одржи Фестивалот на детска песна на албански јазик „Славејчињата на Кораб 2021“ (Bilbilat e Кorabit 2021).
Во рамките на Фестивалот, кој годинава се одржува по единаесетти пат, ќе бидат изведени 23 нови авторски композиции на изведувачи и автори од Дебар, Скопје, Гостивар, Струга, а ќе има и учесници од Албанија, Косово и др.
Фестивалот е поддржан од Министерството за култура како проект од национален интерес за 2021 година, а е помогнат и од Собранието на Општина Дебар, Центарот за култура – Дебар и др.
Настанот ќе се одржи со почитување на здравствените протоколи, со ограничен број посетители.