„Демократии/Реализам“ – изложба на Артур Жмијевски во МСУ

од admin_kult

Во Музејот на современата уметност – Скопје денеска (1 декември ),  во 20 часот, ќе биде отворена самостојната изложба „Демократии/Реализам“ на реномираниот полски уметник Артур Жмијевски.

На изложбата ќе бидат претставени две видеоинсталации, кои се составени од селекција на филмови од неговите капитални дела, инсталациите „Демократии“ и „Реализам“. Во рамките на изложбата ќе биде издадена и двојазична публикација во која, покрај осврт кон дела од изложбата, ќе биде објавен и превод на македонски јазик на култниот текст на Жмијевски, „Применета општествена уметност“.

Ова е прва самостојна изложба на Жмијевски во Скопје по неговото учество во рамките на интернационалната групна изложба „Сè што ни е заедничко“ во 2019 година, на  која се претстави со видеоделото „На отворено. Швиецие“.

Артур Жмијевски (1966) е визуелен уметник кој живее и работи во Варшава, автор со богата уметничка кариера, кој е фокусиран на создавање инсталации составени од фотографија, филм и видео. Има изложувано на некои од најважните уметнички манифестации, како што се: Венециското биенале и Документа во Касел, а бил и куратор на Берлинското биенале во 2012 година.

Проектот е поддржан од Министерството за култура, а изложбата ќе биде отворена до 30 март 2022 година.

Можеби ве интересира:

Leave a Comment

Страницата на Министерството за култура на Р.С.Македонија користи т.н."колачиња" со цел да обезбеди подобро корисничко искуство. Прифати Повеќе