По долгогодишна пауза, почна конзервацијата на одредени делови на тврдината Виничко кале. Се работи во продолжение на конзервираниот ѕид од 2000 година. За работите е надлежен Националниот конзерваторски центар, во координација со Локалниот археолошки и историски музеј „Теракота“ од Виница и Општината.
Овој локалитет е познат по теракотните икони, кои се најизвезуваното културно наследство од Северна Македонија и Општина Виница на меѓународните изложби во светот.