Во Центарот за култура „Марко Цепенков“ во Прилеп утре (11 јуни) во 20 часот ќе гостува Националната опера и балет, која ќе го изведе балетот „Болеро“ и ќе одржи оперски концерт.
Заради почитување на протоколите за заштита од корона-вирусот, бројот на седиштата во големата сала е ограничен. Гостувањето на Националната опера и балет (НОБ) е во рамките на Програмата за работа на Центарот за култура „Марко Цепенков“ за 2021 година, поддржана од Министерството за култура.