Во концертната сала при Центарот за култура – Дебар денеска, со почеток во 13 часот, ќе се одржи Фестивалот на детската песна на албански јазик „Славејчињата на Кораб“ (Bilbilat e Кorabit).
На Фестивалот, кој годинава го има своето 10 издание, ќе бидат изведени 13 нови авторски композиции во продукција на Фестивалот. Фестивалот е поддржан од: Министерството за култура како проект од национален интерес за 2020 година, Општина Дебар, Дебарските бањи „Цапа”, како и од Центарот за култура – Дебар.
Настанот ќе се одржи со почитување на здравствените протоколи, со ограничен број на посетители.