Në skenën e Operës dhe Baletit Nacional sonte (27 shtator 2023), me fillim nga ora 20:00, do të mbahet manifestimi ekskluziv “Simbioza folklorike-klasike”, spektakël muzikor i skenës në Teatrit Nacional të Operës dhe Baletit dhe “Tanec”.
Për herë të parë në historinë e re të Maqedonisë, Opera dhe Baleti Nacionale dhe “Tanec” do të performojnë së bashku, me mbi 130 pjesëmarrës në skenë dhe shfaqje të përbashkët të koreografive të antologjisë së simfonizuar: “Osogovka”, “Maleshevka”, “Korri”, “Lulja e Pranverës e Pirinit”, “Vodarki”, si dhe shumë valle dhe melodi vokale maqedonase nga repertori i pasur i “Tanec”. Koncerti do të mbahet nën dirigjimin e Bisera Çadllovska, koncert-mjeshtër do të jetë Verica Llambevska, kurse në krye të korit do të jetë Gjurgjica Dashiq. Do të performojnë orkestra, kori dhe kori i aktrimit të IN “Tanec”, si dhe orkestra dhe kori i IN Opera dhe Baleti Nacional.
“Simbioza folklorike-klasike” është konceptuar si shkrirje muzikore e dy traditave të ndryshme – klasike dhe folklorike – e përkthyer me mjeshtëri nga Darko Ilievski (instrumentist i shquar, autor dhe drejtues i orkestrës “Tanec”).
Publiku maqedonas dhe kultura muzikore maqedonase do të marrin një tjetër vepër komplekse me shprehje artistike supreme, e cila ruan dhe avancon në mënyrë dinjitoze krijimtarinë muzikore maqedonase.