Teatri i Dramës do të performojë sonte në Teatrin e Dramës së Beogradit me shfaqjen “Unë quhem Goran Stefanovski”, („My name is Goran Stefanovski“) në kuadër të festivalit “RUTA Grup Triglav”, i cili mbahet nga 1 deri më 6 dhjetor në Beograd,edicion i tetorit të të cilit ishte në Shkup.
Me këtë shfaqje Teatri i Dramës këtë vit ishte mysafir në festivalet rajonale në Podgoricë, Novi Sad, Nish dhe Kragujevc, ku fitoi çmime të rëndësishme teatrore. Tekstet e Goran Stefanovskit si kronikë e një kohe janë aktuale dhe janë shfaqur në disa teatro për kënaqësinë e lexuesve të tij dhe publikut teatror.
Regjisor i shfaqjes është Branislav Micunoviç, profesor i vjetër në Fakultetin e Arteve Dramatike në Beograd dhe Cetinje, dhe dramaturge është Branislava Iliç, dramaturge dhe profesoreshë në Fakultetin e Arteve Dramatike në Beograd.
Shfaqja është përshtatje e autorit e një përzgjedhje dramash dhe një montazh skenash nga shtatë drama të Goran Stefanovskit të shkruara në periudhën nga viti 1987 deri në vitin 2021 – “Vrima e zezë”, “Lojë e gjatë”, “Sarajeva”, “Kazabalkan”, “Hotel Europa”, “Euroalian” dhe “Odisej”.
Skenografi i shfaqjes është Aleksandar Deniq, autor i muzikës është Vlatko Stefanovski. Në rolin e tyre luajnë aktorët Biljana Dragiçeviç – Projkovska, Jelena Zhugiç, Sofia Kunovska, Sonja Stamboldzioska, Ana Dimitrova, Meto Jovanovski, Dragan Spasov – Dac, Igor Angelov, Zlatko Mitreski, Stefan Vujisiq, Damjan Cvetanovski dhe Sasha Dimitrievska.