Ministrja e Kulturës Bisera Kostadinovska-Stojçevska, në ceremoninë për dorëzimin e ikonave të marra ilegalisht të delegacionit maqedonas, tha se Qeveria e vlerëson dhe e çmon shumë këtë akt historik të kthimit të njëzet ikonave që u takojnë kishave dhe manastireve maqedonase.
– Në këtë gjest si shprehje miqësie nga ana e Qeverisë së Republikës së Shqipërisë, kryeministrit Edi Rama dhe koleges time, ministres Elva Margariti, ne nuk njohim vetëm mesazhin politik të respektimit të detyrimeve të marra si shtet. Ne e njohim shumë më tepër mesazhin për marrëdhëniet etike dhe morale, si dhe për vlerësimin e pasurisë së mbrojtur kulturore maqedonase – tha Kostadinovska-Stojçevska.
Ministrja shqiptare e Kulturës, Elva Margariti, tregoi se ky ishte një moment solemn që na bëri të ndihemi krenarë, pasi siç tha ajo, ky akt na vendos në avangardën e zbatimit të konventave ndërkombëtare.
– Por nga ana tjetër, ky akt i hap rrugën jo vetëm kthimit të objekteve të tjera në vendet e origjinës, nëse doni të keni pretendime dhe do të identifikoheni si të tillë, por nga ana tjetër kthimi në Shqipëri i objekteve të humbura, të grabitura në institucionet tona të trashëgimisë kulturore, muzetë, parqet apo objektet e kultit – shtoi ajo.
Më poshtë teksti nga fjalimi i Ministres së Kulturës Kostadinovska-Stojçevska:
“Ne e vlerësojmë dhe respektojmë shumë aktin e sotëm, më lejoni ta quaj historik, të kthimit të njëzet ikonave që u përkasin kishave dhe manastireve maqedonase”.
– Në këtë gjest si shprehje miqësie nga ana e Qeverisë së Republikës së Shqipërisë, kryeministrit Edi Rama dhe koleges time, ministres Elva Margariti, ne nuk njohim vetëm mesazhin politik të respektimit të detyrimeve të marra si shtet. Ne e njohim shumë më tepër mesazhin për marrëdhëniet etike dhe morale, si dhe për vlerësimin e pasurisë së mbrojtur kulturore maqedonase.
Këtu, në Tiranë, dua të falënderoj institucionet dhe shërbimet shqiptare që sekuestruan këto vepra të vlefshme dhe i çuan vjedhësit para drejtësisë. Falënderoj ekspertët e fushës së mbrojtjes, si nga ana jonë ashtu edhe nga ajo shqiptare, për qasjen e tyre profesionale, e cila kontribuoi shumë në këtë epilog të suksesshëm të rrugëtimit dhjetëvjeçar të ikonave maqedonase.
Ikonat i pret një udhëtim tjetër. Kësaj radhe për t’u kthyer aty ku e kanë vendin dhe për t’u peshuar. Ne do të shkojmë në shtëpi së bashku!
Faleminderit!