Ministrja e Kulturës Bisera Kostadinovska-Stojçevska ka takuar sot kryetarin e qarkut të Korçës, Nerti Joli, me të cilin kanë biseduar për bashkëpunimin mes Maqedonisë së Veriut dhe Shqipërisë në fushën e kulturës, realizimin e projekteve të deritanishme dhe mundësinë e projekteve të reja.
“Kemi bashkëpunim të shkëlqyer dhe shfrytëzojmë çdo mundësi për të thelluar lidhjet miqësore mes dy vendeve. Po i forcojmë edhe më tej marrëdhëniet tradicionalisht të mira me Shqipërinë me bashkëpunim ndërkufitar, si modeli më i mirë evropian për përmirësimin e cilësisë së jetës së qytetarëve”, tha Kostadinovska-Stojçevska.
Kryetari i qarkut të Korçës, Nerti Joli, tha në takim se përmes bashkëpunimit serioz dhe të thellë të dy vendeve janë realizuar projekte dhe nisma të rëndësishme në kulturë, infrastrukturë dhe turizëm, duke shprehur interesin për partneritet në projektet e ardhshme.
Kostadinovska-Stojçevska dhe Joli u pajtuan se Pusteci është i veçantë për të dyja vendet dhe se duke promovuar bashkëpunimin jo vetëm në fushën e kulturës, do të mund të bëhet shumë më tepër për qytetarët në të dy anët e kufirit.
Ministri theksoi se iniciativa e realizuar me sukses “Ditët e kulturës maqedonase në Korçë” në të cilën morën pjesë Qendra Kulturore dhe Informative e Republikës së Maqedonisë së Veriut në Tiranë dhe Ministria e Kulturës ka përfitime të mëdha në kuadër të promovimit të bashkëpunimit kulturor mes dy vendeve dhe shprehu besimin se ky manifestim, me mbështetjen e qarkut të Korçës, do të bëhet tradicional, sepse është një mundësi e bukur për promovimin e kulturës maqedonase dhe kultivon marrëdhëniet me maqedonasit në Korçë.
Në takim u theksua bashkëpunimi pesëmbëdhjetëvjeçar mes Universitetit të Manastirit dhe Universitetit të Shqipërisë Fan S. Noli, si dhe për mbështetjen për promovimin dhe afirmimin e gjuhës maqedonase në Shqipëri, për të cilën ministrja Kostadinovska-Stojçevska shprehu bindjen se iniciativa për studimin e gjuhës maqedonase në Universitetin Fan S. Noli në Korçë do të ketë një numër edhe më të madh studentësh të rinj dhe të ardhshëm.