Në datat 13 dhe 14 janar, me fillim nga ora 20:00, në Operën dhe Baletin Nacional do të mbahet koncerti tradicional operistik gala me rastin e festës fetare të Vasilicës.
– Nën dirigjimin e të ftuarit nga Kanadaja, Kllod Llapalm, dirigjent i shquar, fitues i një sërë çmimesh dhe mirënjohjesh prestigjioze, me regji të Dejan Proshevit, do të interpretojnë solistët tanë më të mirë të operës Vesna Xhinovska Illkova, Sandra Mitrovska, Bllagica Pop Tomova, Nade Talevska, Nikolina Janevska, Biljana Josifov, Zoran Sotirov, Aleksandar Stefanoski, Marjan Jovanoski, Riste Vellkov, Igor Durllovski, Vlladimir Sazdovski së bashku me korin, orkestrën dhe baletin e Operës dhe Baletit Nacional. Mjeshtër i koncertit është Jane Bakevski, mjeshtre të korit janë Gjurgjica Dashiq dhe Jasmina Gjorgjeska kurse koreografe është Sasha Evtimova – njoftojnë nga OBN.
Publiku do të ketë mundësinë të shijojë interpretimet e disa prej arieve më të spikatura dhe më të njohura, duetet, pjesët korale dhe pikat e baletit nga veprat me famë botërore të kompozitorëve: Xh. Rosini, V. A. Mocart, V. Belini, Xh. Verdi, U. Xhordano, F. Lehar, Zh. Bize, Xh. Puçini, E. Kalman, Çajkovski dhe të tjerë.