Në qendrën kulturore “Laboratorium”, nga data 16-23 janar, nga ora 15-19, do të mbahen punëtoritë e shkrimit kreativ me titullin “E paemërtuar”.
Organizatorët bëjnë të ditur se thirrja për pjesëmarrje në punëtori është e hapur për të rinjtë e moshës 15 deri në 19 vjeç dhe numri i pjesëmarrësve është i kufizuar.
Punëtoria pesëditore për shkrim kreativ me të rinj, “E paemërtuar”, do të jetë nën mentorimin e “Duma in summa” – komparatistet Ivana Smilevska dhe Marija Boshkovska. E ftuar në punëtori do të jetë mentorja nga Bosnja dhe Hercegovina, Hana Çurak.