Sot dhe nesër (17 dhe 18 maj) në fshatin Demirhisar të Smilevës do të mbahet edicioni i parë i manifestimit “Kongresi i Smilevës”, i cili është koncept autentik për promovimin dhe ringjalljen e kujtesës dhe traditës kulturore përmes kulturës aktive dhe bashkëkohore.
Nata e parë e festivalit synon më shumë në aspektin tradicional të eventit, ku e gjithë ngjarja nëpërmjet USHA (studio kërkimore për ushqim, shkencë dhe art) do të përkrahet me aftësitë gatuese të disa artistëve.
Në mbrëmjen e dytë të festivalit do të performojnë interpretues ndërkombëtarë dhe autorë maqedonas, fokusi i të cilëve është koncepti bashkëkohor i artit të autorit me rrënjë nga tradita.
Manifestimi “Kongresi i Smilevës” organizohet nga institucioni i ri kombëtar me të njëjtin emër i themeluar nga Ministria e Kulturës, me seli në vendlindjen e Dame Gruevit në Smilevë. Qëllimi i këtij institucioni është afirmimi, prezantimi dhe festimi i së kaluarës kulturore dhe historike të fshatit Smilevë, Kongresi i Smilevës, Dame Gruev dhe vendi ynë.