Pianisti maqedonas Dino Imeri nesër më 25 tetor (e mërkurë) do të performojë në Kolegjin mbretëror për muzikë në një nga qendrat kulturore më të rëndësishme në botë – Londër.
Dino Imeri do të performojë si solist i pianos, por edhe së bashku me pianistin kroat Vedran Janjanin. Veprat që do të interpretohen janë nga Gustav Hollst (“Jupiteri” nga cikli “Planeti”), Sergej Rahmaninov (Suitë për dy piano nr. 2), Vitolld Lutosllavski (“Variacione në temë nga Paganini” për dy piano), Damir Imeri (“Pajdushko” për piano për 4 duar dhe “Serbez Donka”), Dino Imeri (përpunimi i “Të dërgova në ujë, Kalino”) dhe Dijana Imeri Ilkoska (“Rrënjët”).
Manifestimi, i cili organizohet nga Ambasada e RMV-së në Londër, realizohet me mbështetjen e Ministrisë së Kulturës, dhe me rastin e jubileut të madh – 30 vjet të marrëdhënieve bilaterale ndërmjet Republikës së Maqedonisë së Veriut dhe Britanisë së Madhe.
Pas koncertit në Londër, pianisti Imeri deri në fund të vitit do të mbajë edhe disa koncerte të tjera – në Zagreb, Lengerih dhe Shkup.