Ретроспективна изложба на Зоран Костовски

од admin_kult

Во Националната опера и балет денеска (28 мај) во 19 часот ќе биде отворена ретроспективната изложба на академскиот сликар Зоран Костовски.

Изложбата се организира по повод одбележувањето на два значајни јубилеја на авторот – 50 години сликарство и 45 години членување во Друштвото на ликовните уметници на Македонија.

Зоран Костовски е роден во Скопје во 1952 година. Завршил на Сликарскиот оддел на Академијата „Свети Климент Охридски“ во 1974 година. Добитник е на наградата „Моша Пијаде“, а остварил и студиски престој во Париз.

Во 1989 година „Американскиот културен центар“ во Скопје откупил негово дело, кое потоа е изложено во Белата куќа во Вашингтон, САД.

Реализирал самостојни изложби во: Скопје, Битола, Охрид, Осиек, Загреб, Нова Горица, како и во Келн и во Ерштад, Германија.

Ретроспективната изложба ќе биде отворена за посетителите до 12 јуни.

Можеби ве интересира:

Страницата на Министерството за култура на Р.С.Македонија користи т.н."колачиња" со цел да обезбеди подобро корисничко искуство. Прифати Повеќе