Реновирана куќата музеј на Христијан Тодоровски – Карпош во Куманово

од admin_kult

Со 600 000 денари, средства обезбедени од Министерството за култура и Општина Куманово, реновирана е спомен-куќата на народниот херој Христијан Тодоровски-Карпош во Куманово.

Реновирањето на куќата почна како дел од програмата Куманово – град на културата и 500 години од неговото формирање. Инаку, куќата музеј е отворена во 1979 година. Во текот на 2019 и 2020 година таа е реновирана, а музејската поставка е обновена со значајни историски експонати.

На приземјето е изложен мебел од триесеттите години на минатиот век, дел од предметите припаѓаат на семејството на народниот херој, а дел се од Музејот Куманово. На првиот кат се поставени фотографии, документи, оружје и други предмети кои ги прикажуваат животниот пат и борбата на Христијан Тодоровски-Карпош.

Музејот е отворен за посетители секој работен ден.

Можеби ве интересира:

Leave a Comment

Страницата на Министерството за култура на Р.С.Македонија користи т.н."колачиња" со цел да обезбеди подобро корисничко искуство. Прифати Повеќе