Онлајн тркалезна маса по повод 100 години од раѓањето на Блаже Конески

од admin_kult

Во соработка со Рускиот центар при Универзитетот „Св. Кирил и Методиј“, Меѓународниот семинар за македонски јазик, литература и култура денеска одржа тркалезна маса на тема „Конески – мостот што ги поврзува македонските и руските слависти“ во чест на големиот јубилеј – 100 години од раѓањето на Блаже Конески.

Настанот беше дел од Програмата на манифестацијата „2021 – Година во чест на Блаже Конески“ која се одвива под покровителство на претседателот на Република Северна Македонија, Стево Пендаровски, Министерството за култура, во соработка со Министерството за образование и наука.

На тркалезната маса се обратија Никола Јанкуловски, ректор на Универзитетот „Св. Кирил и Методиј“ во Скопје;  Сергеј Александрович Баздникин, амбасадор на Руската Федерација во Северна Македонија; Анета Дучевска, декан на Филолошкиот факултет „Блаже Конески“ при Универзитетот „Св. Кирил и Методиј“; Андреј Александрович Липгарт, декан на Филолошкиот факултет при Московскиот државен универзитет „М. В. Ломоносов“. Модератор на настанот беше проф. д-р Биљана Мирчевска-Бошева, директорка на Рускиот центар.

Во чест на големиот јубилеј – 100 години од раѓањето на Блаже Конески, оваа тркалезна маса беше замислена како уште еден начин да се осветли личноста и делото на Блаже Конески, овојпат низ призмата на македонско-руските јазични, литературни и културни врски.

Можеби ве интересира:

Leave a Comment

Страницата на Министерството за култура на Р.С.Македонија користи т.н."колачиња" со цел да обезбеди подобро корисничко искуство. Прифати Повеќе