Изложба на илустрации за книгата „Блаже Конески – поезија и кратка проза“

од admin_kult

Во галеријата на Факултетот за ликовни уметности при Универзитетот „Св. Кирил и Методиј“ утре (5 ноември) ќе биде отворена изложба на илустрации за јубилејната книга „Блаже Конески – поезија и кратка проза“.

Со реализацијата на оваа изложба, ФЛУ се приклучува кон чествувањето на 100-годишнината од раѓањето на великанот на македонската култура Блаже Конески.

На изложбата ќе учествуваат авторите што се пријавија на јавниот конкурс за изработка на илустрации: Гоце Илиевски, Владимир Илиевски, Марија Конеска, Филип Велковски, Елена Ѓорѓиевска, Иван Коминовски – кои се претставуваат со три илустрации, и наградената авторка Илиана Петрушевска – која се претставува со десет илустрации.

Од Факултетот информираат дека ќе бидат застапени дигитални ликовни решенија, како и традиционални ликовни техники.

Конкурсот и изложбата се реализирани со поддршка од Министерството за култура.

 

Можеби ве интересира:

Leave a Comment

Страницата на Министерството за култура на Р.С.Македонија користи т.н."колачиња" со цел да обезбеди подобро корисничко искуство. Прифати Повеќе