Изложба на фотографии  „Мајски салон 2021“ во Куманово

од admin_kult

Во Изложбениот салон на Центарот за култура „Трајко Прокопиев“ – Куманово во тек е изложбата на уметнички фотографии „Мајски салон 2021“. На изложбата, чиј организатор е Фото-кино клубот „Козјак“ од Куманово, се претставени 21 дело, изработени од членовите на Клубот.

„Оваа изложба има цел да го презентира и да го надополни естетското чувство за уметничката фотографија, што го гради нашиот клуб веќе половина век. Изложените дела се показател за сериозноста и посветеноста со која ѝ пристапуваме на оваа уметност и претставуваат уште еден доказ за оправданоста на интернационалното реноме што го има ФКК „Козјак“, нагласуваат организаторите на изложбата. Покровители на настанот се Министерството за култура и Општина Куманово, а изложбата традиционално е поддржана од Народна техника, НУ ЦК „Трајко Прокопиев“ и Фото-сојузот на Македонија. Изложбата ќе биде поставена до 24 јуни.

Можеби ве интересира:

Страницата на Министерството за култура на Р.С.Македонија користи т.н."колачиња" со цел да обезбеди подобро корисничко искуство. Прифати Повеќе