Во галеријата на Македонската академија на науките и уметностите е поставена изложба на Жарко Башески, професор на Факултетот за ликовни уметности – Катедра за вајарство.
Изложени се скулптури изработени во мермер, полиестер и силикон. Поставката содржи дела од неколку циклуси: постари дела кои претходно не биле изложувани, вклучително и скулптури изложувани во Њујорк, Франција, Италија, Холандија, Шпанија, Мексико, како и сосема нови дела кои за првпат се претставени пред јавноста. Куратор на изложбата е Натали Рајчиновска-Павлеска.