Амбасадата на Шведска, во соработка со Кинотеката на Северна Македонија, во текот на јули организира проекции на шведски играни филмови.
Како што информираат од Амбасадата на Шведска, на репертоарот ќе бидат: „Триаголник на среќата“ од Роберт Ослунд, „Хилма“ од Ласе Халстром, „Совршен пациент“ од Микаел Хофстром, „Мојот живот како комичар“ од Ројда Секерсож, потоа „438 дена“ од Јеспер Гансланд и „Клара Сола“ од Натали Алварез Месена. Проекциите почнуваат од 20 часот.