Охридскиот театар вечерва во 20:00 часот, во малата сала при Центарот за култура во Охрид, премиерно ќе ја изведе претставата „Дух“ од Дејан Дуковски, во режија на Сашо Миленковски.
Во претставата играат Горан Стојаноски, Јовица Михајловски, Верица Недеска, Стрезо Стаматовски, Биљана Билаловиќ Вељаноска, Адријана Билаловиќ Тодороска, Елизабета Стефановска, Павел Маслов, Филип Кипровски и Митко Серафимоски. Сценографијата и костимографијата се на Владимир Симоноски, а кореограф е Татјана Узуноска Тренеска.
Репризата е закажана за утре , недела ( 03.10. 2021 г.) со почеток во 20:00 часот
Претставата ќе биде одиграна согласно здравствените протоколи со ограничен број на публика.