В четврток, 25 март, во 19:00 часот, во галеријата на Заводот за заштита на спомениците и музеј Струмица ќе биде отворена самостојна изложба на младиот ликовен уметник Ѓорги Динев.
Ѓорги Динев има завршено Средно уметничко училиште и Факултет за ликовни уметности во Скопје. Член е на ДЛУМ. Активно се занимава со сликарство и графика. Ова е негова втора самостојна изложба. На изложбата ќе бидат поставени дваесетина дела од најновиот опус на авторот.