Nën sloganin “Të fluturojmë së bashku”, edicioni i gjashtë i Festivalit Ndërkombëtar të Ilustrimit dhe Letërsisë për Fëmijë “Litera” do të mbahet nga 15 deri më 18 maj në Qendrën Kulturore Rinore në Shkup.
Siç njoftojnë organizatorët, Festivali do të ofrojë shumë ngjarje, aktivitete dhe shprehje kreative në atmosferë edukative dhe argëtuese për të rinj dhe të moshuarit.
Festivali “Litera” këtë vit vë theksin në Turqi si vend në fokus dhe publiku do të ketë mundësinë të eksplorojë kulturën, letërsinë dhe veprat e artit të këtij vendi të pasur.
“Dy ilustrues jashtëzakonisht të talentuar nga ky vend do të jenë mysafirë në festival dhe do të ndajnë përvojën e tyre të pasur ndërkombëtare me ilustruesit dhe autorët tanë”, njofton Litera. Nga aty shtojnë se për herë të parë Festivali do të organizojë Panairin e Letërsisë për Fëmijë, i cili do t’u mundësojë vizitorëve të zbulojnë tituj dhe autorë të rinj në botën e letërsisë për fëmijë. “Litera” ofron aktivitete dhe ngjarje të shumta, duke përfshirë punëtori, master klasa, lexime letrare dhe shumë aktivitete të tjera argëtuese dhe edukative për fëmijë dhe të rritur.