Në Qendrën Kulturore Rinore në mbrëmjen (21 maj) me fillim nga ora 20:00 do të shfaqet shfaqja “Tifo radikale” me regji dhe koreografi të Zufit Simon, në kuadër të Festivalit të platformës së performancës.
Nga “Lokomotiva”, të cilët janë organizatorë të festivalit, bëjnë të ditur se hyrja është falas ndërsa shfaqja është e dedikuar për publikun mbi 16 vjeç. Për shkak të numrit të kufizuar të vendeve, nëse dëshironi të siguroni vendin tuaj, rezervimi duhet të bëhet në adresën lokomotivaskopje2015@gmail.com.
Shfaqja është mbështetur nga Ministria e Kulturës dhe Instituti Gëte.