Në Ditën ndërkombëtare të vallëzimit – 29 Prill, edicioni i 21-të i Tanc Fest Skopje 2025 do të hapet në Teatrin Nacional Maqedonas (TNM) në orën 20:00.
Festivali do të hapet me leximin e mesazhit vendas me rastin e Ditës Ndërkombëtare të Vallëzimit nga Adriana Dancevska Rovçanin, e cila u zgjodh si autore e mesazhit të këtij viti nga Bordi i vallëzimit i ITI Maqedonia.
Në ceremoninë e hapjes, çmimi “Maenad” tradicionalisht do t’i jepet Roxanne Stoyanov, yllit të Operas së Parisit.
Hapja do të pasurohet me performancë të shkurtër nga Kompania e vallëzimit UCSB, nga Kalifornia, Santa Barbara, e cila është hyrje në performancën e plotë të prodhimit të tyre “Refraksione – zërat e dritës dhe errësirës” të cilën do ta shohim më 30 prill në QKM.
Kulmi i mbrëmjes do të jetë premiera botërore e “Identitete – Zgjim”, vepra e tretë dhe e fundit në trilogjinë “Identitete”, që shënon 45-vjetorin e karrierës dhe veprës artistike të Risima Risimkin..