Premiera botërore e filmit “Efterklang: Makedonium Bend”, me regji të Andreas Jonsen, me prodhim të QMK, “Rosforth” dhe “Rumraket”, do të jetë në një nga festivalet më të mëdha botërore të filmit dokumentar “CPH:DOX” më 23 mars 2024 në Kopenhagë, Danimarkë.
Dokumentari muzikor “Efterklang: Makedonium Band” paraqet rrugëtimin e grupit danez “Efterklang”, i cili është në kërkim të muzikantëve maqedonas.
Premiera e filmit do të pasohet nga koncerti i ansamblit “Efterklang: Makedonium Bend”, i cili përbëhet nga 22 muzikantë maqedonas, gjegjësisht 16 koriste nga Kori i të rinjve të grave në QMK dhe muzikantët Stefce Stojkovski, Dejan Spasoviq, Dina Jashari, Iva Damjanovski, Martina Barakoska dhe Jane Trajkovski.
Gjatë koncertit do të performohen këngët më të njohura nga grupi “Efterklang”, si dhe këngët maqedonase dhe standardet e xhazit në ritmin e njohur popullor.
Projekti realizohet me mbështetjen e Ministrisë së Kulturës, “Rosforth” dhe “Rumraket”.