Muzeu Arkeologjik i Republikës së Maqedonisë së Veriut, Instituti Kombëtar Arkeologjik me një muze në Akademinë Bullgare të Shkencave dhe Muzeu Kombëtar i Serbisë nënshkruan sot marrëveshje për aktivitete të përbashkëta në Ministrinë e Kulturës së Bullgarisë, në prani të ministrit përkatës Velislav Minekov, njoftoi korrespondenti i MPB-së nga Sofja.
Në nënshkrimin morën pjesë zëvendësministrat e Kulturës së Bullgarisë, Borislava Taneva dhe Plamen Slavov, si dhe ambasadorët e Maqedonisë së Veriut dhe Serbisë në Sofje, Agneza Rusi Popovska dhe Zhelko Joviq.
Në ceremoni, ministri bullgar i kulturës Minekov theksoi bashkëpunimin e mirë dhe takimet e frytshme që ka pasur së fundmi në Maqedoninë e Veriut, si dhe ekspozitën e ardhshme për Trebenishtën në Sofje.
Ambasadorja e vendit në Sofje, Rusi-Popovska, foli për dinamikën pozitive të marrëdhënieve ndërmjet dy vendeve fqinje dhe foli për të ardhmen e përbashkët evropiane.
Kontratat e nënshkruara në Sofje janë për një periudhë shtatëvjeçare. Pas ekspozitës për nekropolin nga Trebenishta, hapi i radhës i bashkëpunimit mes Muzeut Arkeologjik Maqedonas dhe Institutit Kombëtar Arkeologjik me një muze në Akademinë Kombëtare të Shkencave, është planifikuar për vitin e ardhshëm kur muzeu bullgar të vendosë një ekspozitë në Shkup kushtuar kulturës së Trakës së lashtë. Ekspozita e parë e përbashkët “100 vjet Trebenishta” u mbajt në Shkup në vitin 2019 me shumë sukses. Sipas marrëveshjeve në Sofje, dy ekspozitat e ardhshme që kanë të bëjnë me thesaret nga Trebenishta janë planifikuar të mbahen në Sofje në vitin 2023 dhe në Beograd në vitin 2025.