Biblioteka e Ohrit „Grigor Prliçev” hapet, gjegjësisht lexuesit do të mund të hyjnë lirishëm dhe të zgjedhin libra nga raftet.
Ky akt, siç informoi drejtori i institucionit Milço Jovanoski, është në pritje të Ditës Botërore të Librit dhe të Drejtës së Autorit – 23 Prill.
– Leximorja në departamentin e botimeve do të jetë e hapur nga e hëna deri të premten nga ora 9:30 deri në ora 17, ndërsa leximorja për shtypin ditor dhe periodikët me lexues do të jetë e hapur nga ora 9 e mëngjesit deri në ora 15. Lexuesit do të mund të hyjnë, të zgjedhin libra nga raftet dhe të kërkojnë ndihmë nga bibliotekistët, sqaroi Jovanoski.
Ai shtoi që leximoret do të jenë në dispozicion vetëm për lexuesit e anëtarësuar.
– Më 26 prill, për nder të Ditës Botërore të Librit, në event të veçantë do të shpallen lexuesit më të rregullt për vitin 2021 në kategorinë fëmijë dhe të rritur, lexuesit më të rinj dhe më të vjetër, si dhe autorët më të lexuar vendas dhe të huaj dhe.libra. Biblioteka do të falënderojë tridhjetë bashkëqytetarë tanë për librat e dhuruar në periudhën e kaluar, tha Jovanoski.
Orari i punës së Bibliotekës me lexues mbetet i njëjtë nga e hëna deri të premten nga ora 8:30 deri në 18:30.