Nesër mbrëma (14 shkurt) duke filluar nga ora 20:00 në Operën dhe Baletin Nacional, Orkestra nacionale e xhazit do të mbajë koncert në të cilin vokalisti i xhazit Xhon Ilia Apelgren do të interpretojë disa nga hitet më të njohura të Frenk Sinatrës.
Siç informojnë nga Orkestra nacionale e xhazit, koncerti është me rastin e 14 shkurtit: “Data e lidhur me gjërat e bukura, dita e dashurisë, dita e verës dhe këtë vit kjo datë u shënua me ngjarje të veçantë”.
Programi do të shfaqë disa nga hitet më të famshme të Frenk Sinatrës, të përshtatura për performancë me kompozim të madh të grupit. Në skenë, Apelgren do t’i bashkohen anëtarët e Orkestrës nacionale të xhazit.
Apelgren është vokalist maqedonas i xhazit. “Shpesh krahasuar me Nat King Cole, vokali i Apelgren na kujton ditët e arta të epokës së grupeve të mëdha. Apelgren ka 39 vjet përvojë në skenën muzikore maqedonase, nga të cilat 35 vjet përvojë si interpretues i xhazit i cili performoi me big bandin MRT, Big bandin ZJM dhe Filarmoninë e Maqedonisë, si dhe me një numër ansamblesh më të vogla. Gjatë karrierës së tij muzikore ka regjistruar më shumë se 150 standarde xhaz”, bën të ditur Orkestra nacionale e xhazit.