Ju njoftojmë se Këshilli për ndarjen e çmimit shtetëror “Shën Klimenti i Ohrit” shpalli konkurs për ndarjen e çmimit shtetëror “Shën Klimenti i Ohrit” në vitin 2024.
Me çmimin shtetëror “Shën Klimenti i Ohrit” i jepet mirënjohja më e lartë për arritjet shumëvjeçare në fushën e edukimit, arsimit, kulturës, artit, shëndetësisë, mbrojtjes dhe përmirësimit të mjedisit njerëzor dhe në veprimtarinë shoqërore.
Çmimi shtetëror u jepet individëve, grupeve të krijuesve, ekipeve, institucioneve, shoqërive tregtare dhe shoqatave të qytetarëve.
Konkursi zgjat nga data 1 qershor deri më 30 qershor 2024.
I gjithë konkursi është publikuar në faqen e Ministrisë së Kulturës në linkun e mëposhtëm: Çmimi Shtetëror “Shën Klimenti i Ohrit” – Ministria e Kulturës (kultura.gov.mk).