Komuna e Kriva Pallankës për herë të parë këtë vit organizon manifestimin “Susuriga 2024”, i cili do të mbahet më 16 mars (e shtunë) me fillim nga ora 18:00 në Sheshin e Qytetit, me çka edhe zyrtarisht fillon programi “Kriva Pallanka – Qyteti i Kulturës 2024”.
Organizatori bën me dije se manifestimi i kushtohet festës “Proçka” kurse qëllimi është ringjallja e traditës së shuar të maskimit dhe ndezjes rituale të zjarrit, e njohur si “susuriga”, emër që gjendet vetëm në Kriva Pallankë.
Më 23 mars (e shtunë) në ora 20:00 do të mbahet koncerti i divës muzikore popullore maqedonase Karolina Goçeva, me projektin “Vajza maqedonase”, dhe Nikolla Micevskit, ku do të mbahet manifestimi “Kriva Palanka – qytet i kulturës”.
Më 24 mars (e diel) në orën 12:00 do të mbahet manifestimi tradicional, unik që ushqen traditën e kësaj treve – “Adhurimi i nusërisë”.
“Si bartëse e këtij titulli prestigjioz, Kriva Pallanka do të jetë qendra e kulturës në vend, e cila do ta vendos komunën tonë të vogël në piedestal përmes repertorit të pasur dhe të larmishëm të ngjarjeve për të gjitha gjeneratat dhe të gjitha shijet artistike”, njofton Komuna e Kriva Pallankës, nga ku shtojnë se në programin e manifestimit “Qyteti i Kulturës” do të vihen në skenë më shumë se 50 manifestime nga të gjitha aktivitetet.