Në Muzeun e Artit Bashkëkohor – Shkup në mbrëmje në ora 20:00 do të hapet ekspozita ndërkombëtare “Gjithçka që kemi të përbashkët”.
Siç informojnë nga MAB, ekspozita përbëhet nga vepra të artistëve që janë në kërkim të rrjeteve të mbështetjes së ndërsjellë, jashtëzakonisht të nevojshme në situata të pasigurisë së përgjithshme, me synimin për të hequr diskursin e krijuar shoqërore të prekariatit dhe manifestimet e tij në kontekstin e rrymës globale dhe padrejtësitë historike. Kuratore e ekspozitës është Jovanka Popova. Në këtë ekspozitë janë ekspozuar veprat e Darko Aleksovskit (Maqedonia e Veriut), Meriem Benanit (Marok/SHBA) dhe Orian Barkit (Izrael/SHBA), Jakup Ferit (Kosovë/Holandë), Igor Grubiqit (Kroaci/Itali), Kapvani Kivangaut (Kanada/ Francë), Ilija Prokopievit (Maqedonia e Veriut/Slloveni), Zorica Zafirovskës (Maqedonia e Veriut), Driant Zenelit (Shqipëri/Itali) dhe Lana Çmajçaninit (Bosnje dhe Hercegovinë/Austri).