Sonte (4 shtator) është premiera botërore e kompozimit më të ri nga Daria Andovska në Sarajevë të Bosnje Hercegovinës, interpretuar nga orkestra “Pa kufij”, e drejtuar nga maestro Premil Petroviq.
Është kompozimi i saj i fundit “Apoptotic bodies” për orkestër harqesh dhe medium fiks, porositur nga kjo orkestër për “Turning Point Tour”.
Në këtë turne, përveç kompozimit të Andovskës, do të interpretohen edhe tri kompozime të reja nga disa prej kompozitorëve më të njohur dhe më të shquar nga rajoni: Nina Peroviq (Mali i Zi), Davor Branimir Vinçe (Kroaci) dhe Marko Nikodijeviq (Serbi).
Pjesa ballkanike e turneut fillon me premierën botërore të këtyre kompozimeve të reja në Sarajevë dhe vazhdon në Novi Sad më 6 shtator.
Ky program pritet të incizohet dhe të publikohet në një tingull nga Deutsche Grammophon.
Tashmë më 12 shtator, në Galerinë MC në Nju Jork, Ivan Naumovski – bariton dhe Ana Gaceva – piano do të interpretojnë katër kompozime nga cikli “Këngët nga mëmëdheu” i Andovskës, si pjesë e recitalit të tyre.
Daria Andovska është një nga kompozitoret maqedonase më të suksesshme, më të njohura dhe më të interpretuara në skenat botërore. Është profesoreshë e rregullt në Fakultetin e artit muzikor në Shkup në USHKM, ku mban pozitën e dekanes.