Me koncertin e grupit hungarez “Ansambli hungarez i trombonit”, një nga ansamblet më të mira, por edhe unik në përbërjen e tij në mbrëmje, me fillim nga ora 20:00, në sallën e vogël të I.N Filarmonia, do të fillojë edicioni i katërt i “Skopje Brass Festival”, kushtuar instrumenteve frymore.
Siç njoftojnë organizatorët, përveç koncertit, në bashkëpunim me Fakultetin e Muzikës në Shkup, anëtarët e ansamblit do të mbajnë një seminar ndërsa studentët dhe muzikantët profesionistë “bras” do të kenë mundësinë të mësojnë më shumë rreth teknikave të trombonit, njoftuan organizatorët.
Ky edicion i festivalit do të mbahet gjatë gjithë vitit ndërsa është planifikuar edhe një koncert dhe seminare për bori dhe trombon me muzikantë të njohur nga rajoni dhe më gjerë, informacionet e të cilëve do të publikohen në faqen e Facebook të “Skopje Brass Festival”.
Aktiviteti mbështetet nga Ministria e Kulturës, në partneritet me kompaninë gjermane të prodhimit të instrumenteve “Buffet Crampon”.
Hyrja është pa pagesë.