Kitaristi i njohur nga Maqedonia, Muhamed Ibrahimi në mbrëmjen (6 nëntor) në orën 20:00 do të mbajë koncert në sallën e Odës së Filarmonisë Nacionale.
“Ata e quanin një perlë të fshehur të kitarës, dhe për çdo koncert të tij ka gjithmonë kërkesë për më shumë vende. I tillë është edhe Muhamed Ibrahimi, modest por mjeshtëror në skenë. Ai e trajton kitarën e tij (mandolinë, saz, etj.) në mënyrë shumë jokonvencionale, mjaft intuitive dhe frymëzuese.
Kompozimet e tij janë përzierje autentike e disa stileve muzikore, si blues, rok apo ambient, por të rrënjosura thellë në traditën orientale (sufi) dhe folklorin ballkanik. Këto kombinime të guximshme dhe elegante shpesh prodhojnë rezultate të papritura mes një peizazhi unik dhe të bukur. “Jashtëzakonisht mbresëlënëse për të parë/dëgjuar drejtpërdrejt”, theksojnë organizatorët e koncertit, “Bagi Komunikcii”
Mysafirë special në koncert janë Agni Avshar, Ratko Dautovski dhe Boban Mirkovski.
Përndryshe, Muhamed Ibrahimin e kujtojmë si kitaristin e grupit “BLA BLA BLA”, dhe shumë e njohin edhe si krijues që ushtron bashkëpunim me artistë të ndryshëm. Ai ka publikuar dy albume – “Fly” në 2014 dhe “Devotion” në 2019.
Ky do të jetë koncerti i tij i dytë solo këtë vit dhe tashmë është duke përgatitur material të ri dhe një bashkëpunim të ri për vitin e ardhshëm.