“Një popull i përkushtuar në luftën për liri nuk vdes kurrë!” është mesazhi i “Monumentit të luftëtarëve të rënë 1941-1945” në fshatin Llavc të Manastirit për ruajtjen e historisë së pasur të vendit tonë dhe respektin ndaj heronjëve maqedonas nga LNÇ.
Ky monument si dhe “Bregu i të pamposhturve” në fshatin Mogillë dhe memoriali afër Pesjobrdcës, Prilep janë pjesë e projekteve të suksesshme për mbrojtjen parandaluese të monumenteve nga LNÇ, të Ministrisë së Kulturës.
Fshati Llavc ka lidhje emocionale me ministren Bisera Kostadinovska-Stojçevska, sepse është vendlindja e gjyshit të saj, luftëtarit të parë Peco Gudovski, mbajtës i Monumentit të Partizanit 1941. Përkushtimi i Gudovskit, si shumë maqedonas të tjerë në atë periudhë, është dëshmi e qëndresës dhe vendosmërisë që Maqedonia të jetë e lirë sot.
“Si mbesë krenare e gjyshit tim Peco Gudovski, jam rritur me rrëfimet e tij emocionale për ngjarjet, përpjekjet e partizanëve dhe luftën e tyre heroike kundër okupatorit fashist. Ndoshta prandaj për mua lufta e partizanëve është shoqata më e fortë e luftës së popullit maqedonas për liri”, tha ministrja Kostadinovska-Stojçevska.
Ndryshe, projekti për mbrojtjen parandaluese të monumenteve nga LNÇ ka përfshirë pastrimin e gjerë të monumenteve, rregullimin e hortikulturës, rindërtimin e shtigjeve, ndryshimin e pllakave të dëmtuara, plotësimin e mbishkrimeve në vetë monumentet si dhe është rivitalizuar edhe Aleja e heronjve të popullit në Mogillë.
“Është thelbësore të kujtojmë dhe të nderojmë sakrificat e bëra nga paraardhësit tanë. Mbrojtja parandaluese e monumenteve në Llavc, në Mogillë dhe në Pesjobrdc nuk është vetëm nderim për luftëtarët, por edhe simbol i përkushtimit tonë për ruajtjen e trashëgimisë së pasur historike për brezat e ardhshëm”, tha Kostadinovska-Stojçevska.
Nesër vendi ynë përkujton 82 vjetorin e kryengritjes kombëtare – 11 Tetorin, si fillim i Lëvizjes nacional-çlirimtare. Nismat si kjo theksojnë më tej rëndësinë e kujtimit të së kaluarës dhe rëndësinë e saj në formësimin e së ardhmes, kështu që, e kaluara kujtohet, historia respektohet kurse e ardhmja ndërtohet.
Ministria e Kulturës vazhdon të jap përparësi dhe të investojë në projekte që theksojnë rëndësinë e trashëgimisë kulturore-historike maqedonase.