Nga data 20 deri më 29 korrik në Gјifoni Vale Piana të Italisë zhvillohet edicioni i 53-të i festivalit të Filmit Gјifoni, festivali më i madh i filmit për fëmijë dhe të rinj në botë. Në mesin e 6500 pjesëmarrësve nga tridhjetë shtete, Maqedonia përfaqësohet nga dhjetë përfaqësues të moshës 14 deri në 19 vjeç, të zgjedhur nga pjesëmarrësit më aktivë të edicionit të fundit të festivalit të filmit për fëmijë dhe të rinj Gjifoni-Maqedoni.
Përveç filmave, për të rinjët organizohen aktivitete të tjera, takime me regjisorë, producentë dhe aktorë, si dhe program i pasur muzikor.
Festivali i Filmit Gjifoni zhvillohet çdo vit në korrik, si manifestimi qendror i aktiviteteve të shumta të familjes së madhe Gjifoni të organizuara gjatë gjithë vitit në mbarë botën.
Ndryshe, me edicionin e tij të njëmbëdhjetë, i cili do të mbahet në tetor të këtij viti, Gjifoni-Maqedoni sërish do të organizojë përjetim të veçantë filmik për rreth 600 pjesëmarrës nga vendi dhe jashtë saj.