Në kuadër të manifestimit “Shkupi në pesë e shtatëmbëdhjetë – 60 vjet të tërmetit”, më 26 korrik (e mërkurë) në ora 13:30 në Muzeun e Artit Bashkëkohor (MAB), do të hapet ekspozita digjitale e Arkivit Shtetëror “Shkëlqimi dhe rënia e Shkupit”. Parashikohet që ministrja e Kulturës, Bisera Kostadinovska-Stojçevska, të hapë ekspozitën dhe të falënderojë ambasadorët e vendeve donatore pas tërmetit katastrofik. Në manifestim do të ketë fjalim edhe presidenti i shtetit, Stevo Pendarovski, ndërsa korit diplomatik do t’i drejtohet ambasadori i Polonisë, Kshishtov Gzhelçik, si përfaqësues i shtetit me donacionin e të cilit është ndërtuar Muzeu i Artit Bashkëkohor(MAB).
Informacion për ekipet e gazetarëve:
Kujtojmë që nesër (26 korrik) ekipet e gazetarëve duhet të jenë para Muzeut të Artit Bashkëkohor jo më vonë se ora 13:15.
Gjithashtu theksojmë se ngjarjen do të mund ta përcjellin vetëm ekipet e gazetarëve të akredituar.