Археолошки истражувања на локалитетот Самуилова тврдина

Започнaа годинaшните систематски археолошки истражувања на локалитетот Самуилова тврдина – цитадела. Како што најавуваат од Заводот и музеј – Охрид, по расчистувањето на шутот од постарите ископувања од јужната половина на цитаделата, започнато е со доистражување на остатоците од објектот од XIX век, кој најверојатно е еден од раскошните сараи/дворци на тогашниот управител на Охрид, Џеладин-бег. Истражувањата ги раководи Анатоли Арнаудоски, виш кустос во Заводот и музеј – Охрид.