Ве известуваме дека Министерството за култура (Одделението за Креативна Европа на ЕУ-потпрограма Култура) во соработка со Националните установи од Скопје ( НУ Музеј на македонската борба), Велес ( НУ Театар „Јордан Х.К.Џинот“), Тетово (НУ Центар за култура „Иљо Антески – Смок“), Гостивар (НУ Центар за култура „АСНОМ“) и Штип (Центар за култура „Ацо Шопов“) и корисниците на програмата „Креативна Европа – потпрограма Култура“ и Здружението за мултиетничко музичко образование „Рома Рок Скул“,„Бата прес милениум” Д.О.О. и Друштвото за издавачка дејност „Сказнувалка” од Скопје од 24 до 27 јануари 2023 година, организира информативни сесии за тековните повици на категориите: „Проекти за соработка“ и „Циркулација на европски книжевни дела“ за 2023 година.
Информативните сесии ќе се одржат во:
- Скопје, 24 јануари 2023 година;
- Велес, 25 јануари 2023 година;
- Tетово и Гостивар 26 јануари 2023 година;
- Штип, 27 јануари 2023 година.
Времето и местото на одржување на информативните сесии се наведени во програмата за настаните.
Ве молиме вашето присуство да го потврдите на следнава електронска адреса: info@ced.mk